ifanticの小屋

品香港電影滄海遺珠有題

Sat, 17 May 2025 16:45:56 +0800

< 8.6 >

高級督察何尚生（劉青雲）被劫持人質嘅劫匪伊健（鄭伊健）點名到案發現場進行談判，眼見伊健喺現場嘅囂張，何尚生鬥意昂揚欲將佢拎落去，但被佢逃脫。挫敗激起何尚生嘅戰意同好奇心，開始同伊健玩起「取贖金嘅遊戲」嚟。何尚生收到伊健寄嚟嘅數件藝術品嘅殘骸，喺國際刑警 Ruby （黃卓玲）嘅幫助下發現被破壞藝術品均喺同一間國際級保險公司承保，猜想伊健意圖勒索該保險公司，遂前往展開調查，而此時伊健恰好致電該公司高層 Teresa （林熙蕾）勒索一千萬，尚生即刻接手案件，卻發現事情遠非想像中咁簡單。

Movie

觀感

電影一開始，畫面見到鄭伊健面向咗邊企喺度，頭頂有隻鷹盤旋跟住飛落嚟。鏡頭好快就 cut 走。跟住一聲鷹擊長空，留住絡腮胡又型又 chok 嘅鄭伊健就跟住隻鷹出場喇，戴住對大手套引隻鷹落嚟。之後就打出戲名《暗戰2》，林熙蕾坐喺架房車度出場，好多嘢做忙到甩轆噉。停好車行入大廈，鏡頭就轉到一個監視器嘅角度，簡單介紹咗背景：林熙蕾係保險公司嘅老細，有三件喺佢哋公司投保嘅藝術品畀人偷咗，呢度就解釋咗點解會有人監聽。

之後幾聲雀仔叫，預告住鄭伊健要出場。鏡頭影住幾個雀籠，籠入面啲雀仔睇落好似好生猛，但其實到頭嚟都係畀個籠困住咗自己。如果結合返後面套戲講嘅主題，其實呢度就係暗示緊，套戲入面大部分人都係畀生活呢個籠困住咗。噉跟住點算好呢？型仔嘅鄭伊健出場，預示住跟住落嚟就要靠佢嚟打破呢個困局喇。

好似睇緊嗰個男助理，亦好似睇緊嗰一籠籠嘅雀，隨後好靚仔噉笑咗。

抵得你咁靚仔真係 🤷‍♂️

隨後轉場到一間餐廳，鄭伊健見到咗林雪同兩個人講跑馬嘅事，仲未講完就畀人一巴掌 kam 咗上去。原來係林雪借咗錢還唔上，妄想通過跑馬將錢贏返嚟還債。然後場景轉換，交代咗監聽嘅人係黃啟法手下嘅人，劉青雲依然係佢手下嘅人。

注意，呢一部黃啟法嘅職位變成咗中區刑事副指揮官警司，對比上一部嘅總督察，佢已經升職咗哦 ~

直接跳到鄭伊健企喺樓頂，林雪喺工作前仲畀人催債，原來佢係談判專家。被鄭伊健抓住咗賭狗嘅心理，叫佢一直猜硬幣。

呢度就係講緊，一次賭博睇落要輸要贏都係二分之一嘅機會，但係有人就係可以令你一直輸落去，告誡人哋千祈唔好賭博。

而且就算係呢種睇落你好有希望贏嘅局，你都根本冇可能贏，因為人哋一鋪都唔會畀你贏。當你真係覺得自己總唔可能一直噉輸落去啦，欸，你就死咯。

有意思嘅係，劉青雲話：「你唔會贏嘅」，鄭伊健就對林雪話：「佢話你冇運行」。然而後面佢同鄭伊健對賭嘅時候，亦都冇管住自己，同林雪又有咩分別呢？賭徒其實並唔係自己有幾大本事，喺一次又一次嘅輸落去之後，心懷僥倖噉諗我前面輸咗咁多都係運氣差，呢一把我運氣應該好咗啦。。。

最後林雪畀人捉咗，鄭伊健跳落去靠陣煙走甩咗。至於呢套戲今次點樣走甩，其實都冇乜點解釋，都唔重要啦。最後都係向第一集致敬，劉青雲喺的士上面截住咗鄭伊健，但係又係靠住嗰陣煙，畀鄭伊健走甩咗。有個細節位，今次喺的士上面呢場貓捉老鼠嘅戲，係劉青雲自己提出嘅。同時鏡頭影住佢個額頭，有個特寫，仲有漸漸變綠嘅效果，凸顯出佢呢個時候實在太急燥喇。

跟住鄭伊健就用嗰三件失竊嘅藝術品嚟勒索林熙蕾，仲向劉青雲提出玩個遊戲：攞到贖金，就當佢贏。由夜晚到第二朝，個轉場系鄭伊健揸住車，帶住隻鷹喺高架上面飛馳（雖然只鷹系特技嚟嘅），呢度就用隻鷹嚟比喻鄭伊健，而用之前開場困喺籠入面嘅雀仔嚟比喻班警察。兩邊一對比，鄭伊健嗰邊簡直係逍遙自在到爆。鄭伊健打電話嚟挑釁劉青雲，但係劉青雲都估唔到佢哋會喺邊度見面。最後竟然係靠黃啟法甩甩咳咳噉撞彩估中咗個垃圾桶，點知成也黃啟法敗也黃啟法，佢一掂個垃圾桶，成個差館就炸咗，搞到鄭伊健可以即刻攞袋走人。追到樓下先發現，原來啲假錢已經畀人掟晒去大街度。劉青雲又一次畀人玩到陀陀轉。

跟住劉青雲就搵到隻白頭禿鷹嘅線索，同林熙蕾一齊去搵隻鷹。佢哋兩個都仲係對對方好唔耐煩，但係喺天窗上面，又好似擦出咗少少好奇怪嘅火花？劉青雲頭先仲大大咧咧噉同佢講嘢，但係喺天窗上面逼咗逼之後，竟然一口氣講咗三次「唔該」，林熙蕾都係呆咗噉款。劉青雲睇住隻鷹，但又發現林熙蕾好似分唔清咗右，特登改用手伸落去指畀佢睇方向，最後成功追到咗一處荒山野嶺，隻鷹飛咗入一間工廠度。套戲啱啱過咗一半呢陣，鄭伊健就講出咗佢喺套戲入面嘅角色系咩：

佢只係嚟逗人開心嘅魔術師啫，重點係逗人開心。林雪爭落一身賭債，劉青雲雖然好有本事，但係好耐都冇升職，而且脾氣越嚟越大；林熙蕾做女老細，雖然忙到甩轆，好有本事但係脾氣都唔好；劉青雲對住黃啟法係咁大嗌，林熙蕾對住個外籍助手都係滿不耐煩，同「享受生活」呢四隻字完全唔啦更。鄭伊健係個俠盜，只不過佢偷嘅唔止係珠寶，仲要將大家嘅快樂，由流逝嘅時間度偷返嚟。

最令人摸不着頭腦嘅一幕就係呢度喇，劉青雲追鄭伊健，硬係由下晝追到天黑，就好似玩煮飯仔咁。追追吓，劉青雲追鄭伊健已經唔係差佬捉贼喇，而係好似兩個人玩緊咁，又唔叫同事幫手自己夹硬要追。第一次睇嗰陣，我都唔明點解劉青雲會咁傻；睇第二次至發覺，原來呢個係杜琪峰估佢唔到嘅講手法，鄭伊健玩緊，劉青雲都系玩緊。呢個時候，鄭伊健同劉青雲嘅關係，就同第一集劉德華同劉青雲一樣，亦敵亦友。可能劉青雲都好耐冇試過咁爽咁同朋友一齊玩喇。跟住鄭伊健匿喺黑暗度呃過咗劉青雲，轉個彎截停咗架的士。正當觀眾以為架的士係劉青雲揸嚟捉鄭伊健嗰陣，點知劉青雲突然由街角捐咗出嚟，兩個人又開始跑過。追到攰仲休息吓，飲吓水食吓雪糕，跟住就開始咗個幼稚嘅單車大賽。背景音樂係鄭伊健首《敢做敢為》，特别有feel！

啊，呢個就係杜琪峰鏡頭底下嘅屬於男人間嘅浪漫啦 ~

最後仲係鄭伊健上車畀林熙蕾指明劉青雲去咗邊，但係劉青雲喺大口大口嗦面嘅時候見到佢嘅第一句說話係「做乜」⋯⋯交贖金嗰日嘅早上，除咗黃啟法其他人嘅表情都係空洞呆板冷冷嘅，你估佢哋諗緊咩嘞：

仲有佢哋後面喺食晏時嘅狼吞虎咽，都暗示住呢幫打工仔被生活壓得喘唔過氣、失去咗喜怒哀樂只剩一個空洞嘅軀殼。

交代咗劉青雲，接下來場景又畀到林雪，雖然剃光咗頭，但係終究放唔下心中嘅怨念。直到鄭伊健請佢食咗餐飯，令佢同樣大快朵頤風捲殘雲之後主動提出估公字，林雪打咗個嗝，終於意識到自己已經連續輸咗372次。光線都打喺咗鄭伊健嘅整塊面度，而林雪塊面基本上都睇唔清喇，喺至暗時刻佢終於醒悟咗：

~~點解仲要繼續估落去？~~ 點解仲要繼續賭落去？

其實到呢度電影要表達嘅內核已經結束咗，影片最後順便交代咗一下，鄭伊健偷走保險公司一個億系捐咗畀非洲兒童。

後記

《暗戰》係一套高智商犯罪片，雙雄對決、邏輯嚴謹、節奏掌握非常好，愛情戲點到即止，含蓄隽永又好耐人尋味；《暗戰2》就好似披住商業片個殼，其實係一套更加戏谑、更有哲學味，甚至係浪漫嘅文藝片，佢唔再強調邏輯嘅自圓其說，淡化咗雙雄嘅戲份，連愛情戲都淡到變咗數唔清道不明、似是而非嘅曖昧關係。

第一部片劉青雲根本就係個工作狂，對國際刑警女上司嘅好感隻耳入隻耳出，到咗第二集就更加偏執，對住（又一個女）上司同埋朋友嘅關心都視而不見。天台對決、兩千萬贖金、一億贖金，三次對決劉青雲都輸晒。所以喺呢套戲入面，導演就藉住魔術師隻手話畀佢聽，工係做唔完㗎，不如放鬆啲，回歸生活嘅本質啦。同樣道理都適用喺朱麗花身上，佢前期係個冇感情冇血肉、為咗生意甚至可以不擇手段嘅人。現實生活入面，應該仲有好多人同佢哋一樣㗎啦，為咗追名逐利，變咗個唔識體諒人、唔識關心朋友、唔識享受生活嘅工作狂。至於林雪，就係貪婪嘅人格，渾渾噩噩、不求上進，沉迷賭博，尤其係嗰時香港人都好鍾意賭馬，算係提醒大家要戒賭喇。成套戲充滿住浪漫主義，而佢想表達嘅核心思想就係：

嗰啲喺人生道路上迷失嘅人啊，重新搵返自我啦 ~

杜琪峰都係好識浪漫嘅。

一笑常在，我便已擁有天和地。

淺談我心中的周傑倫最佳專輯

Sun, 02 Mar 2025 11:06:05 +0800

《八度空間》 [台] 周杰倫

< 9.2 >

歌曲可以擁有與電影媲美的敘事性嗎？在短短四分鐘左右的歌曲裡，43 分鐘的專輯「八度空間」中，周杰倫用旺盛的創作力和狂想嘗試建構出這樣的「空間」。「八度空間」意指西方的八度音階，在看似局限的音樂空間中，周杰倫用他平時從電影和 MV 得來的靈感，給每首歌曲賦予了情節，打造沒有維度限制的音樂異想世界。

Album

《八度空間》，喺我心目中，係周杰倫非常之unbelievable嘅一隻碟。或者喺大眾心目中稱得上神碟嘅，十居其九都係《Jay》、《范特西》同《葉惠美》之中三揀一。而音樂圈仲有個講法，話天才音樂人出三隻碟就玩完（呢個就不得不提隔籬檯真·出道即巔峰嘅歌手啦）：第一隻係開山劈石，第二隻係大獲成功，第三隻就係困獸之鬥。當然，後來《葉惠美》成功證明咗周杰倫嘅創作天賦絕對唔會局限喺三隻碟之內，去到《七里香》同《十一月的蕭邦》，佢嘅人氣直頭再創高峰。但係我仲係要講，《八度空間》係周杰倫嘅異數，係佢咁多巔峰神碟之中最唔似周杰倫style嘅專輯，氣質獨特又夠厚實，概念唔落俗套仲玩到好多面向，真係聽極都唔厭嘅。
不過咧，點解呢度係粵語博客但係要講Jay呢？因為佢對我嘅音樂影響真係好大。無論係音樂嘅廣度定係深度，都有非常多拎得出手嘅作品。咁踏入千禧年之後，講得出手嘅粵語歌手已經唔多；至於譚詠麟張學友佢哋，又係啲屬於上古神獸級數嘅存在啦。

半獸人

前奏弦樂組同號角聲夠晒磅礴，又帶住絲絲蒼涼——全因木管同銅管聲部做底，中間定音鼓「咚咚咚」喺打著拍子之餘，直頭有種史詩片頭曲嘅氣勢！其實呢四十幾秒前奏可以當成成張碟嘅《Intro》，in fact仲係周生第一次玩專輯開場彩蛋。最過癮係呢段前奏同碟尾《最後的戰役》遙相呼應，兩首都用晒悲壯銅管聲，成隻碟嘅tone即刻統一起嚟。後尾《葉惠美》嘅《以父之名》開場雖然都玩類似手法，但同成張碟格調似乎無咩呼應咁囖（查實四專到底係咩格調呢）

弦樂風暴過後，幾下重鼓夾雜打碟聲「唰唰」殺到，正式拉開半獸人世界大幕。豎起耳仔聽真啲，除咗小提琴嘅頓弓，底層仲有鋼琴暗湧，同弦樂組玩緊同頻率心跳。話時話周生雖然係節奏鬼才，但編曲層次從來唔孤寒，難怪啲歌聽極唔厭。講到主歌部分，經典嘅Jay式flow配合住方文山堆砌嘅奇幻詞藻，尤其第一次入副歌前嗰段節奏錯位嘅bridge，夠晒過癮！呢種「玩嘢」間唔中出現係幾過癮，同《藍色風暴》尾奏嗰段變調都係異曲同工。至於副歌同尾奏銅管組發揮正常，成首歌暗藏嘅編曲機關其實幾有心思，可惜好似冇乜人buy呢啲細節囉。

‍ ‍唱 ‍‍‍‍ 7.1

‍ ‍詞 ‍‍‍‍ 7.6

‍ ‍編 ‍‍‍‍ 8.2

‍總分 7.9

半島鐵盒

《半獸人》來勢洶湧嘅開篇之後，周杰倫揀咗首慢板歌做承接。旋律平穩自然，律動和諧流暢，悲傷嘅結他聲喺漫不經心嘅氣氛度穿插。密密麻麻嘅踩鐙聲似啲窸窸窣窣嘅細響，喺平靜嘅弦樂底下滲出絲絲忐忑。通過不斷變調營造出情感上嘅猶豫同孤寂，跟住首歌推進，情緒越煲越濃。順便講句，今次隻碟嘅混音技術真係大躍進，雖然未及後來《七里香》同《十一月嘅蕭邦》嗰種大製作級數，但整體嚟講已經交足功課。至於《半島鐵盒》嘅編曲，雖然冇乜特別多花臣可以拆解，但反而係周杰倫少有無點加花嘅作品，情感表達收放自如又入心入肺。喺而家呢個碎片化時代，想再聽到呢種純粹嘅新作，恐妨都幾艱難喇。

‍ ‍唱 ‍‍‍‍ 8.8

‍ ‍詞 ‍‍‍‍ 7.4

‍ ‍編 ‍‍‍‍ 7.9

‍總分 8.1

暗號

同上一隻碟嘅主打歌《愛在西元前》差唔多套路嘅周氏 R&B 情歌，總體情緒都係嗰種憂鬱嘅味道，不過今次首歌嘅情緒起伏波動大咗好多。密集嘅真假音轉換喺音域跨度唔大嘅情況下都算交到功課， bridge 嗰段帶哭腔假音加升 key 好順滑，成首歌即刻生猛晒。不過相比返前作，呢首歌明顯少咗啲「周杰倫」嘅標誌性味道，算係全隻碟少有嘅流水線式有啲普通嘅作品，好彩可能係 bridge 段假音真係夠靚，令成首歌襟聽好多。唔通係多得嗰個神級 Live 現場？

‍ ‍唱 ‍‍‍‍ 8.5

‍ ‍詞 ‍‍‍‍ 7.6

‍ ‍編 ‍‍‍‍ 7.3

‍總分 8.0

龍拳

自從《雙截棍》紅到發紫之後，周杰倫摸到中國風 + 搖滾嘅路數，搞到下一隻碟都出咗同款套路嘅《雙刀》（不過估計《雙刀》反應麻麻，所以 Jay 收埋呢種套路一排，直到《霍元甲》先再拎返出嚟？）。鼓聲開頭之後突然插段估佢唔到嘅搓碟，跟住勁爆電吉他直轟耳仔殺到。到呢 part 周杰倫招牌四聲音調 rap 夾住方文山啲詞真係夾到絕，主歌異常帶感之後接段古箏畀聽眾抖啖氣。到咗 bridge 段 Jay 又開始玩嘢，一句「慢着」即刻畀首歌轉 groove ，狂轟濫炸之中留低啲餘韻。成首歌大起大落但又唔似《土耳其冰淇淋》咁花多眼亂，擺喺隻碟中段仲有提神醒腦之效。

‍ ‍唱 ‍‍‍‍ 8.1

‍ ‍詞 ‍‍‍‍ 8.5

‍ ‍編 ‍‍‍‍ 8.6

‍總分 7.8

火車叨位去

喺抖順啖氣之後，隻碟又返到嗰浸 dup 頭 dup 尾嘅氣氛。喃喃自語嘅 Rap 夾住閩南話，好容易勾出舊時嗰種古仔畫面。開頭火車撞鐵軌嘅鏘鏘聲，一嘢就將人扯返去慢節奏嘅舊時光，編曲平淡之中暗藏唔少心機位，令人聽到上癮。雖然個名同羅大佑嘅《火車》好似，但兩者根本南轅北轍。《火車叨位去》冇《火車》寫得咁激昂，翳悶嘅氣氛、呼應嘅和聲、同埋啲似撞軌聲嘅鼓組，夾埋就成首獨樹一幟嘅閩南話歌。最可惜係 Jay 之後冇再出類似作品，喺我心中真係首滄海遺珠。

‍ ‍唱 ‍‍‍‍ 7.9

‍ ‍詞 ‍‍‍‍ 7.8

‍ ‍編 ‍‍‍‍ 8.9

‍總分 8.6

分裂

難得交心嘅周杰倫喺呢首歌度剖白心跡，靠幾個和弦嘅情感層次嚟煲出份柔弱感。冇將自己包裝成無所不能嘅強者，面對時間同回憶流逝嘅無力感，延續住前面《半島鐵盒》《暗號》嗰種一脈相承嘅迷失。睇返之後幾張碟，佢開始有啲膨脹（唔係貶義），會話自己冇獎攞係金曲獎班評審問題，會立志做音樂皇帝，會強調自己係超人；返轉頭再聽呢首，先發覺原來呢個先係周杰倫難得脫下光環、以「普通人」姿態歷經滄桑後嘅內心獨白，亦令首歌多咗份延綿嘅情緒。成首歌雖然簡單到冇朋友，但勝在夠真，正正係呢份赤誠令首歌有咗獨門嘅風味。

‍ ‍唱 ‍‍‍‍ 8.0

‍ ‍詞 ‍‍‍‍ 7.5

‍ ‍編 ‍‍‍‍ 7.7

‍總分 8.2

爺爺泡的茶

《爺爺泡嘅茶》整到成浸輕飄飄嘅感覺，有啲似《簡單愛》嗰種爽朗，編曲都係林邁可最耍家最自在嘅 R&B 路數，清脆鼓點夾埋周杰倫清透難得咬字正嘅唱腔，一句講晒：夠晒舒服、夠晒純粹。

‍ ‍唱 ‍‍‍‍ 6.9

‍ ‍詞 ‍‍‍‍ 7.0

‍ ‍編 ‍‍‍‍ 7.5

‍總分 7.5

回到過去

去到《回到過去》，結他同弦樂編排依然順滑到冇得頂，但同《暗號》一樣走輕鬆歡快路線，真係唔係我杯茶。（感覺呢首歌好兩極分化，鍾意嘅人當寶，唔 buy 嘅人完全冇感（講咗等於冇講

‍ ‍唱 ‍‍‍‍ 7.1

‍ ‍詞 ‍‍‍‍ 6.9

‍ ‍編 ‍‍‍‍ 6.6

‍總分 6.8

米蘭的小鐵匠

《米蘭的小鐵匠》可能會諗起同期佢寫畀蔡依林嗰啲歌，搓碟同各式聲效純粹係幫成首歌吊味，等聽眾唔使分心。前奏嘅 MIDI 銅管聲浸出嚟嗰浸翳悶氣氛，好似一本故事書開頭先介紹環境，一嘢就令人見到米蘭個陰天。跟手結他突然醒神彈起，嗰種彈跳感恍如照住小鐵匠嗰副威威勢勢嘅樣。副歌唱完「吱呀」一聲閂埋酒館門，小鐵匠坐定定聽台上演奏，唔知唔覺個腦度播緊自己第日坐喺台上，台下掌聲雷動嘅畫面。點知幾聲狗吠扯返佢返現實，最後嗰聲「咩」真係有啲歐亨利式結尾嘅味道。

‍ ‍唱 ‍‍‍‍ 8.6

‍ ‍詞 ‍‍‍‍ 9.0

‍ ‍編 ‍‍‍‍ 9.3

‍總分 9.3

最後的戰役

《最後的戰役》比起兩年後同屬壓軸兼講戰爭嘅《止戰之殤》，畀成隻碟落咗個更深沉宏大嘅句號，當然接住《米蘭的小鐵匠》後面，同前文嗰浸收斂嘅傷感底色都算夾得埋。第二段主歌轉唱腔令成首歌更襟聽，最尾蘇格蘭風笛係周杰倫拿手嘅異國音色殺手鐧，但配埋弦樂組明快嘅大調編排，反差得嚟又唔覺矛盾。成隻碟行到呢度，延續咗頭兩張專輯收尾嗰份恰到好處。

‍ ‍唱 ‍‍‍‍ 7.6

‍ ‍詞 ‍‍‍‍ 9.2

‍ ‍編 ‍‍‍‍ 8.8

‍總分 8.2

喺我眼中，diao 低兩首定位有啲重複尷尬嘅歌之外，《八度空間》真係好值得細細噉品味。可能剩低嘅呢八首歌就係對應翻只碟嘅名？無論點樣，如果要揀返張周杰倫嘅專輯陪住我，佢肯定係我嘅首選。

歸檔

Tue, 28 May 2019 00:00:00 +0000

關於

Thu, 28 Feb 2019 00:00:00 +0000

歡迎嚟到 ifantic 嘅小屋 📝

📆 本博客已穩定運行

點擊查看 📆 日曆

⏳ 時間膠囊 ⌛

今日

本月

今年

手記

Mon, 01 Jan 0001 00:00:00 +0000

2025.05.25

『天才在左，瘋子在右』

2025.05.24

互聯網的冰山一角

日曆

Mon, 01 Jan 0001 00:00:00 +0000

星屑

Mon, 01 Jan 0001 00:00:00 +0000

搜尋

Mon, 01 Jan 0001 00:00:00 +0000